Walumi 12:3-13

³Kulawana na mbazi ninkigwe ni Chohile nawagambilani nyuwe wose, msekwefanyanya kugamba mwi chintu kujinka viya mkuwagilwa kutenda. Fanyanyi zenyu zitende na chihimo cha uzumizi mwinkigwe ni Chohile chila yumwenga.

⁴Mili yetu ina vitago vilozize, naho chila chitago china ndima yakwe.

⁵Seivyo suwe naswi hata hegu chiloza, suwe chose chi mwili umwenga mwe kulungana na Kulisito, naho chila yumwenga ni chitago cha mnyawe.

⁶Elo, chila yumwenga ana jeleko dyakwe kuligana na mbazi Chohile achinkile. Elo mta jeleko dya uwoni ajeseze kuligana na uzumizi wakwe,

⁷enkigwe jeleko dya kusankanila, asankane. Uneva ni jeleko dya kuhinya, ahinye.

⁸Uneva kwenkigwa jeleko dya kufunda watuhu, afunde. Mta kumpangila mnyawe ananacho, apangile kwa moyo umwe. Mchimaila achimaile kwa nguvu zose. Mta kufila mbazi, afile mbazi kwa chinyemi.

⁹Ungi wenyu utende hewina udanti. Mwihiwe chochose chihiye, mtozese chiya ichedi.

¹⁰Unganisanani saviya walukolo, chila yumwenga amjinke mnyawe kwa kungisa kutunyana.

¹¹Damanyisani ndima, msekulegela. Msankanileni Zumbe kwa moyo wose.

¹²Bwedani msuhi wenyu, jijimizani mwe nkunto, mlombezeni Chohile mazuwa yose.

¹³Sangilani wazumizi wenyu mwe viya wakunga, wahokeleni wajeni kwa chisekwesekwe.