2 “Mao nâ, nia ndoyo, aku imâ lee ipâŋga lâ zo ŋine, ande kinzi kazâŋa tamâta simo siveta vetâŋa sakamao ndo pa maka. Andeta kinzi ŋandai sipole maka ŋga.
3 Kinzi uru sipalili maka sakamao ndo, aku mbilâo ive kumbuma karae pwapwataki. Mine nde mbwatakâe luandondo rârâ sipâŋga kumbuma, itogo lââ kawa-kawa ikeno tâno ilo mwasina.
4 Andeta Yova Kindeni, ina Vetâŋa Sondo Warika, ande ivila maka ku ipalalana tamâta sakamao nenzi wâlo kaika piti lâ tinima, kala kamo tinima vesa nâ.”
