7 Baing Toxoratamona Urana tongtongia luba mana titi gagabinoa. Yubua yang walingama maluxu yungxang gininginia, saing luba sok lipu walingama.
8 Baing Toxoratamona Urana xuma umanga tela sanga karagia, mana long tela uxu ba Iden. La ba ta lupka tongtongia ba.
9 Baing Toxoratamona Urana libu xai xangxana disok titia, bagungadinga xai sibuna xaung daxai mana xangingua. Maluxu mana umanga baguba xai luwa duwa: xaiya sina walinga xaung xaiya sina xabianga mana xai xaung diana.
10 Lang tela luki masok titia Iden ba sina langa na umangua. La ba maxania hata gatung luwa luwa.
11 Gatung mugamugangama yanoa Pison; hokhogia maluxu titia Habila, titia gol wa mana ba.
12 Baing gol ba xai sibuna. Delium xaung oniks duwa la ba xauna.
13 Gatung luwa yanoa Gihon; hokhogia maluxu titia Kus.
14 Gatung tuwa yanoa Taigris, luki maluxu Asiria rubinia sanga karagia. Baing gatung luwa luwa yanoa Yupretis.
15 Toxoratamona Urana xap luba saing ta umangia Iden bu ki titia saing wasa mana.
16 Baing Toxoratamona Urana bili luba ba, “Ung sanga ba oxong xai marang longgalo maluxuʼm umanga li,
17 ning labu oxong xai marandi mana xaiya sina xabianga mana xai xaung dianau tai. Namua na nabu oxong xai marana ba, maxuna bagula umati mana xaidapka ba.”
18 Baing Toxoratamona Urana harua ba, “Xai te mana luba ing ganina wa. Bagula ngatongtongia rianoa bu sok haulinganoa.”
19 Tauna, Toxoratamona Urana xap titia saing tongtongia asaxa xaung mang xangxandi. Xapdi ma rangua luba bu lungu yadingdi uxudi. Baing baru yanta luba uxudi bing ding yadingdi.
20 Luba sina yayadi na asaxa nangnang longgalo, mang longgalo xaung asaxa abunging longgalo. Ne riang tela ba hauli luba te.
21 Binabu Toxoratamona Urana libu luba kinu hadali. Kinuyu, baing hasi wagixang tela saing usiti yabanoa muli.
22 Baing Toxoratamona Urana tongtongia haing tela mana wagixana hasi mana luba, saing xap ma rangua luba.
