11 Ayoo unu bura kānime ani pin ni Dauda, memani Asere Ugomo Asere.
12 Ma saa me mazigenme sa adi nya shi, idi iri vana a impo me imma pori anata me hungu”.
13 Sārki ucara uganiyan wa iri nigura nanuu nan Bibe bikadura ka Asere unu nonzo Asere innugusa.
14 “Ninonzo na Asere unaza, nan ticukum tihuma acee anu nee nan de sa ma kunna urunta ume”.
15 Abiki uganiya me sa Bibe bika dura ka Asere ba dusa anyimo a seseri, ani tam me wa gun nacece “Ca tihaa ubaitalami, tika iri imum igeme sa takunna sa Asere abukan duru”.
16 Wa haa dibe-dibe waka kem Maryamu nan Isubu wan vana me anata uhungu.
17 Sa wa ira me, wa buki anu imum me sa abuka we anicee ne vana me.
