13 Bilatus ma titi anuu adandang aka tuma nan Agomo dandang nan nigura na nuu.
14 Ma gun we “Ya aye nime unu nuu ugeme kasi unuu sa mazin nuwuza anun wa wuzi imum izenzen, irani ma iko me ashin, daki ma kem me inna bur imumme sa ya booni anicee numeba.
15 Nan Hiridus sa ma kurzo me ahira aru ma ira me inna bur sa abari ahun me ba.
16 “Barki anime indi cobi me in ceki me”.
17 Bilatus maka nya a Yahudawa unun inde anyimo ande sa wa rani akura ani rere uganiya idin keterewa.
18 Wa meki tihunu vat uwe unu gusa “Ceki unuu geme u nyan duru Barabas”.
19 Barabas unuu me sa aka korso me udenge uni rere sa ma guri ahira ahun unuu.
20 Bilatus ma kuri ma buki we tize uguna ma ceki Yeso.
21 Wa wuu tihunu wa gu “Gankirka me, Gankirka me”.
22 Ma gun we uku taru, “Barki nyani, a ya bur ani unuu geme ma wuza shi? Daki makemme unu pilko sa wa bari ahume ba. Barki anime imma Cobo me indi ceki me”.
