2 Esusën nainquio icnuc ëmbimbo nasho isun chiaqui aden Esus chieshënac caondash.
3 —Mibi adosh —cac: —Con nidaidën nidnu —quianec nidondash Esus. Aid nidaid Udeya caid yacnuësh nidec aton nidaid Cadidia caid yacno nidondash.
4 Aid podquedën nidequi nidaid utsi yacno Samadia caid yacno nidpondash.
5 Adec nidquin ushë cuembo icnuc shubu dadpen icquid Sicad caid yacno istuidpondash. Aid anoentsëqui con tsusedpa Acobon tied uampid icpondash. Aid tied caic: —Ëbi unësan nëid tied: “Con na nec,” cata, mado —quequin aton mado Ose chiampid tied niondash. Ambo aidën uëdëshcampid acte uete icpondash. Aid dayunquiobi: —Tiboquenu —quec Esus tsadtuidpondash.
