13 Palulanguru Tjuwu kutjupa tjuṯaya ngangkaritjarra nyinapayi. Paluru tjana ngurra tjuṯawana parra yankupayi mamutjarra tjuṯa palyantjaku. Paluru tjana Yiitjula yiningka watjara mamu payira iyalpayi. Tjana wiya Yiitjuku walytja nyinapayi. Wangka yalatjiya mamutjarra tjuṯangka watjalpayi, “Puulalu tjananya yaṉangu tjuṯa wangka Yiitjunyatjarra nintilpayi. Yiitjukuṉu ngangkaritjarrangku ngayulu nyuntula mamu ngaatjanya payira wantirriyaṉi.”
