19 A Luluai i ga vung ra vunapai ra rakarakan a gunagunan ma ra kabinana; Ma i ga page ra bala na bakut ma ra kapa na ninunuk;
20 A lamanana i ga vuvuai rikai ta kana minatoto, Ma ra mavoko i tua kan ra bakut.
21 Natugu, koko una lingan kan diat; Una vatur vake ra dovot na kabinana ma ra kapa na ninunuk;
22 Damana diat a valagar pa ra balam, Ma diat a da ra magit na marmar ta ra inoam.
23 Una ga vana bulu ta kaum nga, Ma vakir una ga tuke ra kaum.
24 Ba u va, pa una burut; Ma ba u va mat, kaum nidiop na kalakalami piram.
25 Koko una burut ure ta magit na kinaian. Ba ure ra vinirua kai ra tena varpiam, ba i tadav ia;
26 Tago una nurnur tai ra Luluai, Ma na balaure ra kakim upi koko na papa ta ra kun.
27 Koko una muie ra bo na magit ta diat i topa diat, Ona i tale u ba una tul tar ia ta diat.
