22 A tultul ba i ki na king, A lunga ba i maur ma ra magit,
23 A milmilikuan na vavina ba dir taulai ma ra tutana, Ma ra tultul na vavina ba i kia vue kana tadar vavina.
24 A ivat na magit dia ikilik ta ra rakarakan a gunagunan, Ma dia kabinana tuna:
25 A umana rumi vakir dia dekdek, Ma ga dia varurue ra adia magit ta ra kilala na keake;
26 A umana mang dia bilua ka, Ma ga dia pait ra kubakuba i diat ta ra lavur vat;
27 A umana kubau pa kadia ta king, Ma ga dia vana rikai da ra umana loko na tarai na vinarubu;
28 Ra kupkup pa i dekdek upi una vatur vake, Ma ga i kiki ta ra kuba i ra umana king.
29 A utul a magit dital vanavana da ra luluai, A ivat dia pa na luluai:
30 A leon i lia kakit ta ra lavur leing, Ma pa i tur are ta ra na;
31 Ra loko na kakaruk; ra me, a tomotoina; ma ra king ba i lue ra tarai na vinarubu.
