Tinata Valavalar 24:19-26 in Kuanua

¹⁹ Koko una ngarangarao ure ra umana tena varpiam, Ma koko una pin ra umana bilak na tutana;

²⁰ Tago ra tena varpiam pa na vatur vake ta vabongon, Ma da pun ra lamp kai ra umana tena varpiam.

²¹ Natugu, una ru ra Luluai ma ra king, Ma koko una laure diat dia pukpukue ra mangamangana;

²² Tago kadia kinadik na vut vakaian; Ma to ia i nunure ra vinirua i vuna ta dir?

²³ Go bula ra umana tinata kai ra umana tena kabinana. Pa i boina ba di ru vakuku ra tarai ta ra varkurai.

²⁴ Nina i biti ta ra tena varpiam, U a tena takodo, A tarai diat a tata kaina ure, ma ra umana vuna tarai diat a milmilikuane;

²⁵ Ma diat dia pit ra tena varpiam diat a gugu boko, Ma ra bo na nidoan na tadav diat.

²⁶ Nina i bali vatakodo ra tinata, I da i galum ra bul na ngie i dat.