Tinata Valavalar 16:24-32

²⁴A mari na tinata i da ra polo na livur, I kalakalami ta ra bala i dat, ma ra uru i dat i lagar tana.

²⁵Tika na nga a tarai dia biti ba i takodo, Ma ra tukuna i tadav ra minat.

²⁶A mamainga kai ra tena papalum upi ra magit i vuna ta kana niongor, Tago ra mulmulum i varvargat ia.

²⁷A tutana vakuku i nuknuk upi ra kaina, Ma kana tinata i maramararang.

²⁸A tavir na tutana i imire vurvurbingitane ra varngangar, Ma ra tena varmaianao i varbaiane diat dia ki na bartalaina tuna.

²⁹A tena vakavakaina i lam pa talaina, Ma i agur pa ia ta ra nga ba pa i boina.

³⁰Nina i vapula bat ra matana i nununuk upi ra magit i gegagege, Nina i paum bat ra bul na ngiene i pait ot pa ra varpiam.

³¹Ra ulu i nina i kua i da ra kere na minamar, Da tikan tadav ia ta ra nga na mangamangana takodo.

³²Nina i vavabing ma ra kankan i boina ta dir ma ra lebe, Ma nina i kure bat ra nuknukina i boina ta dir ma nina i uvia pa ra pia na pal.