11 vaichat nan motva banga nahinphah ding, gucha banga nahin delkhum jeng thei ahi.
12 Mi pannabei le midihlou ho chuitobang ham? Amaho chu thudihlousei phong in ache jing un ahi,
13 ajon chihnau amit lhap uvaakilang jin, akhut jung uvin hichuakoh jiuvin ahi.
14 Alungthim phatlou nauvin thilseagong un, tantih neilouvin kitomanading jeng abol jiuvin ahi,
15 Hiche ho jeh a chu, amahochunga gangtah a manthahna chuding, damdoh vah thei louva umdiu ahi.
16 Pakaiyin athet tah thil gup aume, Ama ding in thil sagima adei louaum in,
17 kiletsah mitvet, jou seina leigui, mona beija thisansoa panla khut teni,
18 thilse gonna lungthim, thilse boldinga lhai keng teni,
19 thujouseina-a jou sakhia pang, chule asopi lah-a kitomona muchithea pangpa ahi.
20 Ka chapa, napa thupeh hohingaiphan, chule nanun nahilna jongdon louvin koi hih in.
21 Amanin nahilna ho, nalungsunga chingtup jing in; na ngongakhivui on ki-o jing in.
22 Hiche hochun nakal sonna jousea napui hoi ding, na-imut teng jongleh nachin tup diu, nahungkhahdoh teng jongleh nahil’a pangkit diu ahi.
23 Ajeh chu amani thupeh chengsehi thaomeia pang ahin, kihilna jengjong thaomei vah tobang, chulekiphosalna le kigah chahna jousejong hinna lampia pang ahibouve.
24 Hichun numei phalouva konnavenbit ding, akam them jehjunumeia kon chu nahoidoh thei dingahi.
25 Amanu melhoina khu nalung indeicha hih in, amit vetdan akon injong kilhep lhahsah hih hel in.
