11 Na hinkho ajona lam teng gimhesoh nato ding, natahsa pumpimanthahna aso ding ahi.
12 Chuteng nangin seijin natin, “Kigah chahna hi ichan-a kana theta, phosalna hi iti kana thet hitam?
13 Oh, keiman eihil ho thu kanadonse pon, ka dinga thusei ho jengjong kana donse tapoi.
14 Tuhin mipi kikhopna’a konkeima mah thahna mun kalhun konahitai, tia nasei ding ahi.”
15 Nangma twikhuh’a kon hungpotdoh twi chu kidon in. Ngailutnachu najinu henga bou neijing in.
16 Na twikhuh dunga twi put chumuntin’a hetdoh-a um’a, chulekholai tinchanga um mong ding hinam?
17 Hichu nanga ding bouvin koijin, nakom’a hung maljin vang nachansah lou ding ahi.
18 Na jinu chu phatthei changtahen, nangma tah jong nasenjichunga kipah tan.
19 Na deitah na jinu sajuh golpaihoitah le sajuh chal hoitah bangin, phat tin in aman nahebolnanachungalungkimin, amanuanglum jal’a kipah jing nahin, aman natuh chah jing hi nalungsetphot chetna ahi.
20 Ka chapa, i-atileh numei chonchavei chu naki tuhchah sah jinghitam, hitobang numei kampao phalou chu a-anglum’a um dingnagot jing ham?
21 Ajeh chu Pakai hi mihem thilbol jouse ve-jing ahin, alam lhah na jouse avet-jing ahi.
22 Miphalou chu a chondih lounan akipalsah teijin, a chonsetna khao chun atuh chahji ahitai.
