4 Kapan hitin eina hil in, “Kathusei ho nalung in kisan lut in, ka thupeh jouse jong najuia ahileh, hinna’a nanei ding ahi.
5 Chihna kisanlut in, hetthemna lam manon; Kakam sunga kon potdoh thuchang ho sumil hih in, dalha hih hel in.
6 Chihna hi nungsun hih beh in, chihna hi ngaisang in, chutileh chihna hin nangma na umpi jing ding ahi.
7 Hitobanga hi chihna bulpi kipan ahi. Chihna mutei ding gon, namu chan chu giltah’a hetdoh ding ngaiton.
8 Chihna hi mutheijin domsang in, chuteng chihna chu nangma domsanga pang ding ahi. Chihna hi natuh chah jing poule, chihna chun jabolna namusah ding ahi.
9 Chihna hi nalu-changa delkop phatah’a pang ding, Lal-lukhuh hoitah khuh tobang nahi ding ahi.”
10 Ka chapa kasei ngaijin lang kathua nung in, chutileh na hinkho kijop sau thei ding ahi.
11 Keiman chihna lampi kahilsoh kei ding, chule chondihna lampi chengsea jong kapui nahi.
12 Nakal son-le teng jonglehnakipal lou ding, nalhai-le tengjongleh nakipal lhuh lou ding ahi.
13 Ka thuhilna ho kisan in tuhchahjing in, hichu chingtup in, na-dingahinna ahi.
14 Milungthim phalou thilbol’akon in kidalsen, thilphalou bol holam lhahna’a jong vah-le hih in.
