23 Chuteng lungmonga nalam lhahle ding, nakeng jong kipal talouding ahi.
24 Kichatnabeihel’a jalkhun najot ding, na imut teng jong leh lungmong tah’a na-imut ding ahi.
25 Kiging man louva manthahnannahin lhun den ding kicha hihbehin, migilou hoa kon gamna hunglhung ding jong nagin louhel ding ahi.
26 Ajeh chu Pakai bou na kiselnakulpi ahin, Aman nakeng jeng jongthanga ao-sah louhel ding ahi.
27 Nathahat laisen na kithopi theichan ding in, thilpha nabol peh ding ahi.
28 Naheng nakom jenga jong chenphat dang joh le hung in, jing lepeh nanga tin, hinlah neinasan bolhihbeh in.
29 Naheng nakom dounan thil gonghih beh in, ajeh chu amahon nakisonpiuva nakom’a cheng ahiuve.
30 Nachunga thilse bol-lou chu, ajehbeijin kinahpi dan,
31 Chule pumthoa natong mihemchu thangsetpi hih in, alam lhahnatinchanga kon chu nakiven joh ding ahi.
32 Hitobang milung dihlou ho chu Pakaiyin athet ahin, milungthengvang chu Pakaija dia golpha ahi.
33 Pakaiyin miphalou ho inchungagaosapna alhunsah jin, hinlah midihho chenna in chu Pakaiyin phattheiaboh ding ahi.
