5 Thuchih hoa kon hi, michingjeng jong khodah’a thepna alambeding; hetkhenna nei mihem in jongkihilchahna alambe ding ahi.
6 Hiche thuchih kiseiho le thilumdanhetthemnaaneiding, miching hon thu asei teng, thulemaseidoh jouseu hettheina tha aneiding ahi.
7 Pakai ginna hi chihna dinga abulpiahin, mingol hon vang chihna lehilchah nan asang thei poi.
8 Kachapa, napan nasuh dihnangaijin lang, nanun nahilna jongdonlouvin koi hih in,
9 Ijeh inem itileh, amanin nahilnajouseakonkhotonalallukhuhnakikhuh ding, chule jana jongkhivui banga na ngong changanaki’o ding ahi.
10 Kachapa michonseten jol lhah ding nagot uva ahileh, athu’unangai lou hel ding ahi.
11 Amahon na henga ahin seidiu, “Hung’in guhthim chan mihemtha ding ngah-ute; suhkhel neilouhijongleh inop chabep uva iboldiuvin ngah lhih tau hite.
12 Ahing changa lhankhuh in avallhum’a abah gam bang in, eihonjong ahing in bahgam-u hitin, thinakokhuh’a lhalutsa bang in, apumchang in val lhum gam tau hite.
13 Thil thupi tahtah imu diungaiton, thil lelo ichomdoh houchu in dimset’a eima incheh’a isitdimset diu ahi.
14 Kalah uva chan hung neijin lang, hiche thil ho chu kihom nau hite, tiaahinsei diu ahi.”
15 Hinlah kachapa, amaho tohkilhon khom hih hel’in, amaho lamlhahna akon chun kidalse jon,
16 Ajeh chu amaho thilpha loubolnan aman gang jiuvin, chulehetman louvin thisan aso jiuvin ahi.
