11 Hichea chu vel sagi jen achapkhum ding, maicham leh amamanchah thil jouse jong chu thaoachap soh in, Kisil na konglenchule atun na jong thaotui achap inabonchan athenso tan ahi.
12 Thempu Aaron luchung a nuding in thaotui helkhat achap khumin, atah sa ajong anun, athensopaitan ahi.
13 Chuin Aaron chapte ho chu Mose in ahin pui paijin, khat chehin sangkhol len a ah peh taovin; konggah jeng jong gaah peh inaluchang cheh uva lukhuh akhuhpeh cheh un, Pathen thupeh bangbang in Mose in amaho chu khatcheh in abol peh taovin ahi.
14 Hiti chun Chonset maichamthilto ding in bong chal chu ahinkai lu tan, chuin Aaron le achapatehon gancha luchang a chun akhutangam lhasoh keitao vin ahi.
15 Chuin bongchal chu Mose inathat paijin, athisan achun akhutjung aphum lut in, maicham phunga saki ho achun achap natsoh hel in, maicham jong athenso in, ganthisan chu maicham khombulhoa achapnat soh hellin, thenso nasem in, hiachun kithoi na jong aboltan ahi.
16 Asung a athao jouse achom khenin, athin lah a aphe le athao le akalteni ahi in athao beh jouse jongachom khen in, hitichun Mose’nmaicham achun a gouvam hel tai.
17 Hiche bong chal avun atahsa hochu chule a eh cheng chu, Pathenthupeh bang bang in Mose in polamngah mun achun agou vam hel tan ahi.
