2 Mi koitabang chonset na abol a Pathen douna a atahsan asuh keh tah a, hichea chu asum koi thudol hihen aheng akom a kisel nadia ajou bol a ahilou jongleh achom ngimsel a, gimbolna aneija.
3 Thil aman sah khat ale mu doh kit hinlah athil mu a kon ajou asei kit tah a ahile, jousei a kihah sel abol a, chonset natheiya thil abol doh khah tah a ahile,
4 Hijeh a chu mihem koi hile chonset na neija themmo achan jeh chun, amapa chun asopi aheng thil achom jouse ale peh ding; Chule amapa sum kikoisah jong ale peh a,
5 A hilou jongle kihahsel na aneinung aman chai sa jong ale peh soh kei ding; athil jat jouse kimsel a alepeh cheh ding, jatnga channa abelap peh a, themmo thilto maicham abol niteng le athil lah napa chu abelap sese chutoh kimsel a alepeh ding ahi.
6 Themmo changpa chun kelngoi hon lah a pat kel chal khat ahin kaiding, hichu themmo maichamnolnabei Pakai a san thei dol tah ahinadia thempu pa heng a ahin kailut ding,
7 Chuteng thempu pan amapachu Pakai angsung a athoi ding, hicheakonna themmo a channa thei jouseakon a ama chu ngaidam chang ding ahiye. Pumgo Thilto
8 Mose heng a Pakaiyin hiti hinasei peh tan,
9 Aaron chule a chapate heng a hitihin seitan, hiche hi ahi pumgo thiltoding dan. Pumgo thilto maichamchu jankhovah a meichung a kijamkhovah keija, maicham phung ameivah jong khovah keija kou ding ahiye.
