26 Nang ho hinna chang lhah molchu ka lah peh diu, na lah uva numeisom seh seh in jong chang lhah phabep cha bou anei diu, hichu kituptah a atena na toh kitoh chet a tepehcheh cheh ding; na neh jeng vanguva chu oiva na a neh diu ahi tapoi.
27 Hiche jong hi ka thu na ki jahmosah ngei ngei uva, nei ki doupinah laiyu ahile,
28 Na chung uva lungsat na tohthoaka doudal diu; hiche chonset na naneijal uva ajat sagi vei jen na chungcheh uva lethuh na chu ding ahiye.
29 Na chate’u tahsa geiya numeikithei lou pasal kitheilouva nahinneh nah laidiu ahi.
30 Na chung uva munsang lai jouseka hin suh chim jeng ding; gimnamtui na halvam nao maichamphung jeng jong ka suh jal dehding, hinkho lhum keiya ka kidahuva kathet ding na hiuve, ati.
31 Na chennao khopi a bonchaaching ding koima um louva kalha jeng ding, muntheng lai na neichengseo jong thip del ding; na gimnam tui lhut nam jeng ujong ka nahsah peh tah lou ding na hiuve.
32 Gamsung pumpi akeu seh a umding, na gam sung uva um nakidoupete’u vin nalung don jeng diu ahi.
33 Nam tin chi tin lah a ka thejalsoh hel diu, chem jam ka lap a hajam a ka jam sah diu, na gam sung’uaboncha akeova umding na khopijeng u jong thip del a um ding ahi.
34 Na boncha uva na kidoupi te’u gamma na vaitham sung seuva na gamsung uchu thip del’a koima umlouva chute ta ding, chu teng agamsung pumpi chu kitha kimat imalouva chol dam sel ding ahiye.
35 Gamsung chu a keuva aumchanna chol damsel ahin; ajeh chuna chen lai uva cholngah nikho nanit ta pouvin hijeh achu chol ngahnikho bang a chol dam sel ding ahitai.
36 Na lah uva konna athi mohcheng ahing nalai na kidou pite’ugamsung a cheng ho jeng jong alungthim’u ka suh nemdeh peh diu, nathu khat a kheh lhah a agin khuchem jam kilam bang a tijat tothoajam lele uva; mikhat seh del maimaia jong jamcheh ji diu ahiye.
37 Koima del louva ama ho le amaho kigel’a chemjam in adelbang ajamcheh diu, khat le khat kinolhu ajam cheh cheh jeng ding ahiuvin; naboncha uva nakidoupi teo masangkitia nalhuh lhuh jeng diu ahi.
38 Namtin lah a navaitham gam keidiu, na kidou pite’u gam leiset chunna suh gamset jeng diu ahi.
39 Na kidou pite’u gamsung achengho ahing doh chengse jongchu achonset jal uva meidoi gamkeidiu, apu apate’u chonset a alhahnauva konna ama ho jouse jong apuapa te’u akilo diu mei doi jou keiding ahiuve.
