20 Na boncha uva na ngaito uva, kum sagi ahung lhin kum le ipi hamineh diu, muche la itu ta pouvin, chang jeng jong i-at lou diu hitam, tia na lung don khah uva ahi le;
21 Keima tah in kumgup alhinkumle na boncha chung cheh uvaphat theina ka hin bung lhah pehdiu, hichun kum thum sungse’a naneh khop diuva anga ahinso dohthei ding ahi tai.
22 Na boncha uvin kum get lhinkum apat muchi tu jong leu chunlhohsoh ga a umsa a lui hobou naneh diu, kumko ahung lhin a lhosohga athah kah seuva lho sohgaalui ho bou chu na neh na lai diuahi, ati.
23 Gam leiset kiti jong na joh dohthei lou diu, anei pa kei ka hi in, na boncha uva gamchom mi kholjin a
24 Hijeh chun hoilai chan hi jonglena chen na jouse uva gam leiset lhatdoh na man na boncha uva na pehcheh cheh diu ahi.
25 Na sopipa hamkhat hahsat naato jeh a agam leiset ajoh doh khahngei ngei le, ama ban chat a asopipa ngei ngei chu hunga athiljoh dohchu ahung lhat doh pai ding ahiye.
26 Ahin lah ajoh doh pa ham khatchun a sopi alhat doh thei mi aneitah louva, ama vang khonung aahung hao doh thei ding a aumaahile aman ahin ki lhat doh jeng ding ahi.
27 Hiti achu agam joh doh pan jongajoh doh kum a pat phatah a simcheh cheh ding; ajoh na pa hengachu aman jat apeh dia lom chengchu toh apeh doh tha jeng ding, chu jou tengle ana chodoh pa chunagam leiset chu aboncha anung pehkit ding ahiye.
