12 Ama hon jong hichepa hi iti dinghi tam atiuvin, Pakai lunglam ahenguva ahung kilah ka sea din mihennakul sung achun akhum lut taove.
13 Pakaiyin Mose hengah thuasejin, hiti hin bol in ati.
14 Pathen gaosap mipa chu polamngahmun a hin kaidoh in lang, aman agao sap na awchang japhachan in aluchung a akhut angaplhah cheh diu, hiche jou teng lehkhompi thenga mipi jousen song insep lih jeng taohen ati.
15 Chule Israel chate hengah ajahuva hiti hin sei peh tan, koi hile Pathen gaosap mihem kiti photaum khah tah le hiche mihem chunamatah themmo na aki poh jengding ahi.
16 Pathen tai tom mihem chutha jeng ding ahi; khompi a pangmihem jousen amachu song a aselih jeng ding, kholgam mi hihenagamsung chengden hi jongle Pathen min taitom mihem kiti photchu thana chang jeng ding ahi.
17 Chule mihem khat that kiti photchu thina chansah ding ahiye.
18 Koi hileh gancha that achuamachun akhel apeh doh pai ding, hiche gancha khel thei dia chugancha hing khat alepeh ding ahi.
19 Koihile a in heng khat tou a navoh khah ngei ngei leh aman hichepa abol na bang achu amachung a jong bolgim na lhung jeng ding ahi.
20 A gu ham achang ham asuh chepa ahile ama jeng jong agu achangsuhchep del ding, amit asuh chottah jong le ama mit jong hiti maachu suhchot peh ding; aha hamkhat asuh lhoi khah jong le amaha jong suh lhoi pai ding; amanmi abol gimset bang bang chu amachunga jong abep bep a lhunsah ding ahi.
21 Gancha that aum leh hiche athatpen pen chun akhel ahol a apeh leding; mihem chung’a hem lam athatpa chu ama jeng jong tha jeng ding ahi.
