3 Nigup sung a mihon na akitoh cheh ding, nisagi lhinni vang chu imacha bol louva ki choldo nikhoa a na nei cheh diu, hichu thengsel’a kikhop nikhoa ding ahi; hiche nikho kitia hi natoh na bol thei lou hel diu ahi. Hoilai chan a cheng jong leu chun hiche nikho hi ki choldo nikhoa nanit jing jeng diuva thupeh
4 Hicheng hi Pakaija dia phat anakitepsakikhopkhomnathengchu ahin, hi tabang nikho jouseahi aphat kitepsa dung juicheh ananghon mi nakou khom diu ahi.
5 Lhamasa nisom le nili lhin nikho, hiche nilhah lam vang chu Pakaidia kalchuh kut hiding ahi.
6 Chule hiche lha mama nisom leninga lhinni chu Pakai dia cholsolou changlhah kut nikho dingahin, ni sagi sung vang chun cholsolou changlhah tang lou a na nehneh diu ahi.
7 Nikho masapen nile na bonchauva khompi theng naman diu; lelnathei natoh natoh lou hel diu ahi.
8 Ni sagi sung sesea chu Pakai diagovam thil tang louva na kat dohdoh jeng diu, ni sagi lhin nikhovang ahile khompi theng nikhoahi tan, hiche nikho teng chule naboncha uva na kichol diu lel na theina toh ima na bol lou diu ahi.
9 Pakaiyin Mose hengah thu aseipeh in, hiti hin bol in ati.
10 Israel chate hengah ajah uvahiti hin seiyin, keiman ka peh na’ugamsung nahin phah uva gamgasoh nahin lo teng ule nachang phalgao masapen chu thempupa lamana choi diu ahi.
11 Hiche a konna chu thempu pannangho santhei dol nahithei nadiuvanathenso diu ahin; ajing nikhocholngah ni teng chule thempu panthenso na anei ding ahi.
