6 A boncha uva Pathen a dia athenghidiu, a Pathen pao min asuh thanglou hel diu, ajeh chu amaho hin a Pathen pao nehdia changlhah thiltojouse Pakai lama ahinto doh jioahin; hijih achu amaho hi atheng aum diu ahi.
7 Numei aki johsa kiti jong akichenpithei loudiu, ajipa khat in adalhahsa numei jong chu a kichenpithei lou hel diu ahi. Ajeh chu hichethempu chu a Pathen pa dia athengahi tai.
8 Nangman ama chu thensonana nei peh a, ajeh chu amapan na Pathen adia changlhah atodoh jiahin, amajong nangdia atheng ahin, hiche jouse chung a hin nanghothenso a pang Pakai keima hiatheng jing kahi.
9 Chule thempupa chanu chu akijoha apan khah a ama le ama akisuhboh khah tah le, hiche nu chun apajeng jong a suhboh ahi tan, hitiachon numei kiti phot chu meiyagovam hel ding ahi.
10 Chule asopi holah a thempuchungnung penpa, angaiya alu akinu thaotui kinusa, vontheng ngena kivon ding a thenso nachang khatchun asam alhaiya put da henlang, aponsil jong a akeh lai aumsah louding ahiye.
11 Apa hihen anu hijongleh mithilong anailut a amale ama kisubohthei louhel ding ahi.
12 Muntheng lai chu a dalhah ahiche muntheng chu asuh boh thei louhel ding, ajeh chu amahi a Pathen akona thensona thaotui akinu chu achung a akipoh le leahitan, keima Pakai chu kahi.
13 Chule amapan jong aji ding nuchu nungah theng ahiphat a akipuiding ahi.
14 Meithai hihen aki dasa hi jongle, chule aki suboh sa numei hihenaki joh sa hi jongleh; amaho tabangchu thempu pan ji ding a aki puithei louhel ding, ama ji ding chuamite lah a kon mong mong nungahthengset akipui ding ahi.
15 Hichu abol teng amite lah a chuama chate jeng jong a suhboh tahlou ding, ajeh chu amapa thenso apang chu keima Pakai ka hi ati.
