3 Nalah uva koihile anu le apa jabolna nanei cheh diu, keima cholngah na nikho jeng jong nanit cheh diu ahi; keima hi Na Pakai ule Na Pathenu kahi.
4 Milim doi kisem thu houhih hel un, milim doi jong semthu a jabol na chansah di gohih hel un; Pakai le Na Pathen u keima kaum e.
5 Nanghon chamna thilto ahinkilhainaganthaahin Pakaihenglama katdoh ding nanop uvaahile, nangma nangma cheh jongsanthei dol in kisemtoh masa uvinlang chu teng hichu nakat dohding’u ahi.
6 Nathil to chengse’u chu akikatdoh nikho a neh chai ding jingnikho a kat ding neh thei pai hiding, hitia chu nithum lhinni geija amohchengse chu aboncha meija govamding ahi tai.
7 Nithum lhin nikhoa hiche thiltonekha aum chan chun, athil kitohdoh chu thet umtah ahitan, san theidol ahi tapoi.
8 Chule koi hi jong le hiche sanekha chan chun amacheh inthemmo na akipoh ding ahi; ajehchu aman Pakaija thiltheng asuhthang ahitan, ama chu amite lahakonna pampaiya um ding ahi.
9 Chule nanghon leiset gasohnachop khom teng ule, nalou behuchu apam ching geija nachopkhom lou diu, chule changphal jengjong chang pal geiyin chom louding ahi.
10 Chule na lengpigui jong ngimselanachom louding, na lengpi lei laijalengpithei ajam thang ho jouse jongna lo ngim lou ding ahi; hichengsese chu vaichate le kholjin hodiana khen tei ding ahi; keima hi Pakaina Pathen u kahi e.
11 Guchat kiti bol hih hel un, koihijong leu chun na heng na kom cheh u jouva na bol lou hel diu ahi.
12 Keima min panna jouthu a koimanalhep lhah lou hel diu, hiche hoachu na Pathen min nasuhchat veilou ding ahi; keima hi Pakai kahiye.
13 Nang man na heng na kom nachom’a na suhgim thei lou ding; thalah soh natoh man jong pelouva na jan khovah sah lou ding, napeh ding ahiye; keima hi Pakai chukahiye.
14 Na-ngong mijong na gaosap louhel ding chule mitcho masang jengajong aki pallhuh nathei ima na koilou ding, hiche ho sang a chu na Pathen gin ding hi na thupi sah dingahiye; keima hi Pakai chu kahi.
15 Nanghon thu na tan teng uleadih louvin tan ding go hihhel un; vaicha ho chung’a langnei na naneiham, ahiloule milen hochung a jongkhentum na ima na bol lou ding ahi. Ahin lah thu chu adihtah a na hengna kom chung a na tan ding ahi.
16 Nangma mikah lah a thuse pole ache suh che tou na bol louhel ding, chule na heng na kom jeng jongathi nathei ding nagel a na kidou pithei lou ding ahiye. Keima Pakai inka umpi jing uve.
17 Na lungthim sung akonna naheng na kom na thetbol lou ding, hiti sang chun na heng na kom inatoh mo thudol a phatah a na kihoulimpi joh ding ahi, ajeh chuachunga phatlouna na lhung thei ahi.
18 Nangman namite lah akonnaachapa te’u chunga phulah na nabol lou ding, tahsa lunghimo najong nei hihhel in, chuti sang chun nangma na kingailut banga na heng na kom na ngailut ding ahi; keima Pakai ka um jing e.
