Text copied!
Bibles in Thado Chin

Thempu Dan 14:3-38 in Thado Chin

Help us?

Thempu Dan 14:3-38 in PATHEN LEKHABU THENG

3 Thempu pa jong ngahmun polam a pot doh’a chu teng thempu pan kholchil na anei ding ahi. Hiche a chu miphah pachu damna achan khah a ahile;
4 Thempupan akisuh theng ding pa jeh’a chu miho thu apeh ding vacha hing thengsel ni jaona a Cedar thing toh agalah sah a, ponsan thim chule hyssop jong agalahsah ding ahiye,
5 Chuteng le thempupan miho heng a thu apeh a tui theng chung khatachu leibel sung a vacha atha sahding ahiye.
6 Vacha ahing nalai le Cedar thingchule ponsan thim le hyssop ponchu alah a tui lhai lai chunga kithatvacha thisan chu anu nat soh kei ding,
7 Chule tiphah nat akonna akisutheng ding pa chung a chu sagivei jen athin khum ding, chu tengtiphah nat veipa chu atheng ahi taitia aphon doh a vacha hing jong chuahing a alha doh a, hichu gamlah aalha mang ding ahi.
8 Thenso na kibol peh ding pa chunaponsil aboncha akisop lhah a, asamjong aki chetol a, tuija kisil thengselding, chuteng amapa chu atheng aum a, hiche ho jouse akibol chaisohteng le masang a tiphah nat veipachu naghmun sung a hung dingahitan, hinlah amapa chu aponbuhpolama ni sagi chan nichong nalaiding ahiye.
9 Ni sagi lhin nikho teng le a lujangsam jouse akivo ngim a, ane mulakha mul le amit mul jouse jongakivo ngim soh kei ding, asam a kaiki tiphot chu avo ngim soh kei dingahi. Chu jou teng leh amapa chun aponsil jouse akisop theng a, atahsatuija ki sop lha ding, kisil thengsela, hitia chu ama pachu atheng a umding bou ahi.
10 Niget lhinni teng le ma sanga miphah pa chun nolna beihelkelngoi chal ni le nol nabei kelngoipi khat aga mat ding, hiche kelngoichu kum khat lhingsa hi ding, changbong neldi thaotui kichapsa ephahdimkhathopsomahopthum toh agalah tha a, thaotui logdimkhat toh aga thal tha ding ahiye.
11 Chu jou tengle miphah pasutheng a pang ding thempupanmiphah pa ahi in thil hicheng sesechu kikhop khomna ponbuh kotpiphung a, Pakai angsunga atoulhah sah ding ahi.
12 Thempupan kelngoi chal khatjoh chu amat a log dim khat lethaotui chu themmo na maichamthilto a ato ding, hiche teni chu Pathen angsung a themmo namaicham thilto a ato doh ding ahi.
13 Chule kelngoi chal chu mihochonsetmaichamthiltochulepumgo maicham thilto athana munu muntheng laiya chu atha ding, ajeh chu hiche themmo na maichamthilto jong hi chonset maichamthilto bang a chu thempupa chanding dol ahin, athilto dohsa chuatheng chung nung pen ahi.
14 Thempu pan hiche themmomaicham thilto thisan chu phabepkhat aham doh a, thempu pan jonghiche thisan chu alah a aki thensoding pa jet lam khut khopia abilkolgeija chu anu nat soh ding, akengkhopi jet lam a jong anu nat pehding ahi.
15 Thempupan jong log dim khatakona thaotui helkhat athaldoh ahichu akhut veilam khut phangchung a asun lhah a,
16 Hiche akhut veilam khut phangchung a asun lhahsa thaotui chuakhut jetlam khut jung akhoi natding, Pakai angsung achu vel sagi jen athin lhah ding ahi.
17 Akhut a um nalai thaotui phabep chu akisutheng ding pa ajetlambilkol achu thempupan anunat peha, ajetlam khut pia jong anunat peha, akeng phang lam khopi a jonghitia chu themmo maicham thiltothisan kiloina chung a chu anunatpeh ding ahi.
18 Hiche a thaotui amoh chengsese chu thempu pan jong aki suthengding pa luchang achu anu peh dingahi. Hitia chu tiphah nat veipachu Pakai angsung a kithoidam naasempeh ding ahi.
19 Thempupan jong a thenlou na akonna kisuh thengna le aki thoidamdingpa dia chonset maicham thiltoasempeh ding ahi. Hi chu abol chaiteng le pumgo maicham thilto jongchu atha paipai ding;
20 Thempupanjongpumgomaicham thilto le lhosoh thiltochu maicham chunga agato dohding, hitia chu tiphah natveipachu thempun athoidam a, chu tengtiphah veipa chu theng ding ahi tai.
21 Chule tiphah nat veipa chu mivaicha ahikhah a athilto ding ijakai atojoulou tah a ahile, temmo thilto diakelngoi chal khatbeh vang ahintoding, hichu amapa kithoidamnathilto a pang ding, chule changbongneldithaotuikichapsaephahdimkhat hopsoma hop khat lhosohthilto ding a thao tui log dim khattoh jaona a hiding ahiye.
22 Hi tabang a chu aman jonghiche khel’a chu ato jou khamkham vakhu ni le vapalnou ni jongato thei ahi; vacha khat pen chu chonset thilto a ding ahin, chule vacha khat ma chu pumgo thilto a pang ding ahi.
23 Miphahpa chun niget lhin niteng le akisuh thengna ding kikhopkhomna ponbuh kolpi phung Pakaiangsung a thempu heng a ahin choiding ahiye.
24 Hiche themmo na thilto kelngoichu thempu pan amat ding logdimkhat thaotui jaona a, thempupananitah a chu thenso thilto ding a Pakai angsung a athenso ding ahi.
25 Chuteng amapan themmo thiltoa ki tohdoh sa kelngoi chu atha a, hiche themmo thilto gan thisanchu thempupan themkhat alah dinghichu aki sutheng dingpa bilkoljetlam a aloinat peh ding, akhutjetlam khutpia jong aloipeh dingakeng phang jet lang khutpi’a jongchu a loinat peh ding ahi.
26 Chule thempupan jong amatahkhut veilam a chu thaotui helkhatasun lhah ding,
27 A khut veilam khut phang akisung lha thao tui chu akhut jetlamkhut jung a chu akhoinat ding hichu Pakai angsung a chu sagi vei jenathin khum ding ahiye.
28 Akisu theng ding pa bil kol jetlang achu thempupan jong thaotuithemkhat aloi nat ding, akhut jetlang khutpi le akengphang jetlangakhopia jaona a themmo thiltothisan kiloina chunga chu aloinatcheh ding ahi.
29 Thempupa khut phang a umna lai thaotui moh chengse chuthempupan jong aki sutheng dingpaluchang achu anu peh ding, chu teng Pakai angsung a athoi dam
30 Tiphah natveipa chun ajokhamchabep a vakhu ni ahin, vapal nouni ahin, ahin to ding,
31 Lhosohga thilto jouse jaona achonset thilto ding ato doh a chulevacha khat ma pen chu pumgothilto ding a ato doh a, chu tenglethempupan aki sutheng ding pa diachu Pakai angsung a kithoidam na asem peh ding ahi.
32 Hiche hi mihem tiphah natveiya akisuh thengna ding a thiltolhingsel a toh jouloupa ding achudan kisem peh ahi.
33 Pathen in Mose le Aaron ajahlhon na thu asei peh lhon tan,
34 “Keiman nangho gamlo dinga kapeh Canaan gamsung nalhunlhun ule, na chenna’u gamsungachu koitabang nalah uva konnainsung khat a tiphah natna kalhunsah khah tah le,
35 Hiche inneipu chu thempupahenglam a hung a thu ahung pehding, ka insung a natna hi lungdonaum lheh jing e, tia ahung sei ding ahi.
36 Chuteng thempupan hiche natnachu avetchil masang a acheng hojouse chun abon chauva insungada lhah diuva thu asei peh dingthempupan thu a sei peh masatding u ahiye, achuti louva ahilehhiche a insung a cheng jouse jongchu atheng louva um diu ahi tai; hitia chu mihon hiche insung chuada lhah soh teng ule thempu chuinsung lut bep ding ahi.
37 Hiche natna chu thempupan avet chilpeh a, natna chu inbang lah a ana be khah a, adumdeh duh ahiloule asan thimma akilang to banga ahile, hiche natpi chu inbang aasung lut khah tah le,
38 Thempu chun insung adalhah akolpi chu akal lhah ding, hitia chuhiche inchu nisagi sung a vet a umdia kotpi akamkhum ding ahi tai.
Thempu Dan 14 in PATHEN LEKHABU THENG