32 Hiche ganhing hose hi athi tengahung kipai lhah namunna, ahokhah pen pen chu thinglom lahhihen, ponsil chung hihen, savunchung a hihen, dip chung a hijongleh, manchah jat chom chom akimang bel chung hi jongle, ahokhah pen pen chu aboh a um ding; aho khah penpa chu aboh ahitan, nilhum jou teng vang le atheng aum kit ding ahiye.
33 Hitia chu hitabang ganhingaboh hose chu hetman louva leibelsung ahung ho lut khah tah a ahile hiche belsung a umjouse jaona achu atheng lou ahitan; aleibel jeng jong chu na khetkeh diu ahi tai.
34 Nehding hi jong le hichu tui asopngim thei ahitapon, atheng louaboh a um jing ding chu ahiye. Hiche leibel sung a tui um a adonkha aumkhah tah a ahile amajongchu tui aboh bang a boh a umjengding ahiye.
35 Hitia chu hiche gan hing sesechun athijou a ahokhah pen penchu atheng louva um ding ahitan, meithuh ahi in, thaomei bom holah ahi in, ahokhah pen pen chukhetkeh ding ahiye, ajeh chu hichemanchah thil jouse chu aboh ahitan, nangho dia jong atheng lou a pangchu ahitai.
36 Itobang khat a tuinah le tuisamputdoh namun ahikhah levanghiche pen pen chu atheng a um dingahi nai; ahinlah thil dang tong khapen pen chu ganhing aboh bangbang achu aboh atheng louva umjing ding ahi.
37 Chule hitabang ganhing ho sesechun muchi tu dia ki koi hicheganhing athisa neokhat tou in atohkhah tah a ahile, hiche muchi tudingchu atheng aum nante.
38 Hiche muchi tuding chu tuijakichop nousa ahivang le, hicheganhing atheng lou thilong inahokhah tah jeh a chu hiche muchituding chu nangho dia atheng louaum ahitai.
39 Naneh ngaiyu gancha khattouathi khah a ahile, hiche ganchathilong tongkha pen pen chu koihijongleu chun nilhum keiya atheng lou aum ding ahi tai.
40 Hiche gancha thikamsa nekha chan chun aponsil akisop ngimding hinlah amachu nilhum keijaathenglou aboh a ahi tai. Hichebang achu koi hijong leochun nalahuva hiche ganthikam pole apangaum khah le ama chun aponsilakisop ngim a nilhum keiya diaatheng lou ahitai.
