17 Bulimakao fârine â sahacne â biucne erâ hone i ine Wofuŋzi Mose mutâcnecnewec irec sâcko hae râpenao ʒocko râeme ʒafârewec.
18 Eme Mosezi mume qowi bâzi ririkere lama ŋicne bafisipie Aroŋ â ŋokâfâcne jaŋe qizecne bânduŋkembiŋ.
19 Ehame Mose e qâhâmorâ socticne alata râreckehuc tie rawec.
20 Izi lama ŋicne hezupie tarame Mosezi qizecne â dâkâne dâkâne erâ wokemaŋne râeme ʒawec.
21 Erâ hobune â kikene opâzi ʒureme tarame wiac i sasawa iŋuc jaha alatao rome ferâ ʒawec. I Wofuŋzi Mose mutâcnecnewec irec sâcko hâcne qowi bâzi râeme ʒahuc Wofuŋte maio âsu biaŋ fuawec.