11 Ehuc ŋic e Wofuŋte ʒâŋe musoriŋkehuc sâweckewec. Iŋuc eme Moserao jowa rambiŋ. Neŋgoc‐ticnere ʒâŋe Selomiti, e Daŋ guruonec Dibirire otâ.
12 Eme Wofuŋtaonec dâŋ okacne mananiŋte woŋec kâpâcwâru bapie ŋewec.
13 Eme Wofuŋzi Mose kecʒiŋuc âzâcnewec:
14 “Ŋic sâwecdâŋ muwec e mutec teuŋkonec jowa wahanʒepieŋ, ehame sâwecdâŋ mume manambiŋ jaŋe mejeŋic qizecnao râehapie kikefuŋ sasawa jaŋe qânâzi hehâmonʒepieŋ.
