14 Eme taha bapa e kiŋ tatara tahare soc gâcne rorâ ŋic ɋaɋackeocte mukicne ere hazec fâreopec â meneŋgoc‐ticne fâreopec â kike neŋgoc‐ticne fâreopec i ruacne‐fârezejec.
15 Taha bapa e iŋuc erâ wokemaŋ opâ kiruŋko ŋekac i gâcne e jahacne metape qanaopec ira hoŋkezejec.
16 Izi memotec‐ticne fâreopec wokemaŋ ira âke uruckerâ Wofuŋte maio tieme arec 7 ezejec.
17 Wokemaŋ tiwâne ŋeocmu i ine ŋic ɋaɋackeocte mukicne ere hazec fâreopec â meneŋgoc‐ticne fâreopec erâ kike neŋgoc‐ticne fâreopec kiŋ tatarare soc ruacnekicne irec faio ruacne‐fârezejec.
18 Wokemaŋ opâ tofane taha bapare meo ŋeocmu i ine ŋic ɋaɋackeocte mukicne ere faio hoŋkezejec. Iŋuc ehuc Wofuŋte maio kiwiric jâoc rozejec.
19 Taha bapa e ŋic ɋaɋackeocte mukicne ere kiwiric rohuc sâqocne tâtâmire taha hâcne râezejec. Iŋuc ehuc ʒâhec qowi bâzi ririkere qowi qâhâmozejec.
20 Qâhâmorâ qowi bâzi â taha bâzi i alatao rikezejec. Taha bapa e iŋuc ehuc ŋic kiwiric jâoc rome ɋaɋackezejec.
