9 Laalao è ɓɔɛ, è tukpɔi ɠaaleʋe ga telebodai, è maanɔɠɔi nui maalobo ta bala nui.
10 Undaanɛɛ nu ɠa ga naa, nii a anzanu zɔɓelamai zɔlɔɔ, tosuʋɛ wɔɔlɔʋɛ kɔbu ani ʋagɔiti sɔngɔi ʋa.
11 Sinigi laaʋɛ da, ani ʋagɔ nɔpɛ ge la ʋalaga ná-pɛlɛi wu.
12 É la ɗa ga kazemazu vaa nɔpɛ kɛ ga sinigi, kɛni faa ʋagɔi nɔ, sii ma voloiti pɛ su.
13 Toɠa ɗa baala deɠai ɠaiziɛ ta gezei, é ɗa boti ɠɛ ga zeeiti ga koozunɛɛi.
14 Eɠɛ yaaɠo ɓatoi, toɠa ɗa zeɠe ga ɠɔnɔgi ɠoozama.
15 Toɠa ɗa wuzeɠe ga kpidiɓidigi, é daamianigi ve ná-pɛlɛyeɠei ya, é ná-deveiti fe ná-botiɠɛ anzanuiti zea.
16 É ɠisiɛ kpalagi ta zu, é geya, é leezɛn ɓelei leʋe ba, ga ná-botii zulɔnɔgi.
