17 Daamianigi unmaai, mɔunpa toɠa ɗa nɛɛ, kɛlɛ naa ʋolu, toɠa ɗa ɠɛ ga kɔtui, é nui laaʋɛ laave.
18 Faiti ti ɠazaʋisu, ti laa ɠa ɗa zeeli ga tɛnɛ pagɔiti maaʋele. Ɗa ɠɛna lia kɔɔmaʋɛ, gaalugi wo, è faiti kpɛtɛ.
19 Zɔi é fama ɓɔɛi vazasu, naa ɠa dɔɔɠuzu vaiti kulazu. À mina ɓɔ faa ma, wa nuiti ti kpɔɛzuɠula ɲakaiti bosu.
20 Zɔi a kɛɛɠɛ voovo ta dee, zii ɠa loo, eɠɛ lanboi é zaazu kpidi ɓɔii zu.
21 Poganii sɔlɔɔgai ga gaazuvilɛi mɔunpagi zu, tuya la ɠɛa ma naa ʋolu.
22 Mina ɠɛ ma: «Nà nɔ̀nɔ ʋotokula!» Ɠito Ɠɔoɠɔ GALAGI ʋa, toɠa è ɠizo.
