2 Ŋgar ambaiŋana ta tipaute yo pa kek, ta iŋgi be aŋkam piom i. Tana kezem sua tio ti pepe.
3 Muŋgu ta nio naŋgaŋŋoŋ mi aŋbotmbot tamaŋ ruumu kini na, naŋgoŋ lutuunu tamen ŋonoono ta nio i. Tana ni leleene pio ilip.
4 Indeeŋe mazwaana tana, tamaŋ ipaute yo ma iso ta kembei: “Motom iŋgal be kiskis sua tio ila lelem, mi toto tutu tio. Naso mbot ambai.
5 Kam kinkiini be kam lem ŋgar ambaiŋana mi kilaala ŋgar iŋgoi ta ambai ma ilip. Mi motom mbelele sua tio pepe, mi paŋoobo pa pepe.
