6 Re: Kokena pagaaba sua ku ila raama sua kini, to ni iyaambu, mi tomtom tiso nu kwom pakamkaamŋom.
7 O Yooba, koroŋ ru ta nio leleŋ be aŋwi u pa. Mazwaana ta aŋbotmbot su toono na, ruutu koroŋ ru taiŋgi pio pepe.
8 Mbulu boozomen ta pakamkaamŋan mi ŋonon somŋan na, ziiri ma timbotmbot molo pio. Mboro kat yo. Kokena leŋ koroŋ som mi aŋbot ŋoobo, som leŋ koroŋ boozo mete. Kam koŋ kini ta irao yo.
