14 Tomtom ta so ipakurkur itunu sorok pa kampeŋana kini, mi tamen ikamam koroŋ pizin tomtom som, ina ni kembei miiri tiene ta igabgap ma imar ila ne, mi yaŋ sa isu som.
15 Sombe zin bibip ŋgar kizin imbol kat pa koroŋ sa mi nu lelem be tooro ŋgar kizin, na toombo be kam sua riŋariŋa men pizin. Pa sombe nim gesges som, mi noknok men sua luumuŋana pizin, nako kam ma tileŋ la kalŋom.
16 Nu sombe ndeeŋe bigil suruunu, na win ma zaza pepe. Kokena ipasaana kopom, to lulu.
