24 Zin wal ta tizorzooro mi tipasomsom zin tomtom, na tawatwaata zin be wal matan repiiliŋan. Wal ta kembei timbel pakurŋana. Pa tiso tilip pizin tomtom ta boozomen.
25 Wal maolŋan lelen ilip be tikam len koroŋ. Tamen naman ikamam uraata som. Tana tiru zaala pakan be tikam len koroŋ, mi ina ipasaana zin ma timeete.
26 Zoŋ ise ma ila zoŋ isula na, wal maolŋan timbombooren, mi ŋgar kizin ilala pa koroŋ boozomen ta lelen pa i. Mi wal ndeeŋeŋan na, tirairai koroŋ kizin pakan pizin wal sorrokŋan. Tirutruutu som.
