9 Zaala ta wal sananŋan titoto na, Yooba leleene pa ri sa som kat. Mi zin wal ta tikamam kinkiini pa mbulu ndeeŋeŋana na, ni iurur kat leleene pizin.
10 Tomtom ta so izem zaala ambaiŋana, nako mbulu kekeŋana sa ipet pini bekena ipazali. Mi tomtom ta so leleene iŋgis pa sua pazalŋana, nako imeete ma ila lene.
11 Andewa mi lele ta tipasansaana zin wal meeteŋan su pa i, ina Yooba irre. Ike pa mataana som. Mi so kembena, na ni irre iti tomtom lelende tomini.
