12 Wal sananŋan sombe tiur kilis kizin sananŋana sa be tikam zin tomtom, ina ikam zin ma lelen ambai kat. Mi tomtom ndeeŋeŋana, ni kembei ke ta uraana isula kat toono mi indom ma iwe biibi.
13 Sua ta wal sananŋan tizorzooro pa i, ko iwe kembei ta kilis pizin. Mi wal ndeeŋeŋan na, zin len zaala be tiko pa pataŋana kizin.
14 Sombe sua ambaiŋana men iwedet pa kwondo, inako ikam ti ma tombot ambai. Mi sombe namanda ikamam kat uraata, inako tere lende kadoono ambaiŋana.
