21 Sua ta iwedet pa wal ndeeŋeŋan kwon, ina iuluulu tomtom boozomen be timbot ambai. Mi wal kankaanaŋan ta tizorzooro na, tikam kat ŋgar som. Tana kaimer ko timetmeete ma tila len.
22 Kampeŋana ki Yooba, ta ikamam lende koroŋ boozomen. Mi koroŋ ta so ni ikam piti, nako ka pataŋana sa som.
23 Wal kankaanaŋan ta tizorzooro na, sombe lelen iurur pa mbulu sananŋana sa, to ikam zin ma lelen ambai mi menmeen zin. Mi tomtom ta so ŋgar kini ipet kek, na ŋgar ambaiŋana ta ikami ma leleene ambai.
24 Koroŋ ta wal sananŋan timototo, ta ko ipet pizin. Mi koroŋ ta wal ndeeŋeŋan lelen pa na, Yooba ko ikam pizin.
25 Pataŋana biibi ko ipambiriizi zin wal sananŋan. Tamen wal ndeeŋeŋan ko timendernder mbolŋana ma alok.
