21 Mürin, nöün ewe Samol mi Lapalap we chon läng a aitiewu wokun mi nom lepöün o tiki ngeni ewe fituk me ewe pilawa esap wor iis lon. Iwe, a küütä ekkei seni ewe achau o kenala ewe fituk me ewe pilawa. Mürin, ewe chon läng a morukola seni fän mesan.
22 Nge lupwen Kition a mefi pwe i nöün ewe Samol mi Lapalap we chon läng, a üra, “Ai Samol me ai Kot, osupwangei, pun iei üa küna noum we chon läng ren mesei.”
23 Ewe Samol mi Lapalap a üreni, “Kinamwe epwe toruk. Kosap niuokus, pun kosap mäla.”
24 Mürin, Kition a senätä eu rongen asor ngeni ewe Samol mi Lapalap ikenan o aita ngeni: Ewe Samol mi Lapalap i ewe Koten kinamwe. Iwe, tori ikenai ei rongen asor a chüen nom lon Ofra lon fanüen chon ewe eterekesin Apieser.
