Soũↄ 96:6-13 in Boko (Benin)

⁶Zↄ̃ↄkɛ ń bɛɛɛo kuwà, gbãa ń gawio ku aà kĩ́iɛ.

⁷À gawi ń gbãao dↄ̃ Diiɛ, bùsu píi gbɛ̃́ↄ, à dↄ̃ Diiɛ.

⁸À Dii tↄ́ gawi dↄ̃ɛ̀, à mↄ aà ua, í aà gba pↄ́.

⁹À kúlɛ Diiɛ ń lousisi'ulaↄ daa, zĩ́lɛdeↄ, à tó á mɛ àↄ kukɛ aà aɛ,

¹⁰í o bui píiɛ, Dii mɛ́ lɛ́ kible. À dṹnia kàlɛ gíũgiũ, a deea vĩo. A yã́kpalɛkɛ ń gbɛ̃́piio a zɛ́wa.

¹¹Musudeↄ, à pↄnakɛ, zĩ́lɛdeↄ, à vĩ àↄ kɛ̃aa, ísia ń pↄ́ pↄ́ kúuↄ, à kↄ̃fĩkɛ.

¹²Sɛ̃̀a ń pↄ́ pↄ́ kúuↄ, à kúkuakɛ, lí pↄ́ kú lákpɛuↄ i gulakɛ píi.

¹³Aa pↄnakɛ Dii aɛ, asa àlɛ mↄ́, àlɛ mↄ́ yã́kpalɛkɛi ń dṹniaoɛ. A yã́kpalɛkɛ ń dṹniao a zɛ́wa, a yã́gↄ̃gↄ̃ gbɛ̃́ↄnɛ ń sĩanao.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!