1 Asafa lɛ. Ma gbɛ̃́ↄ, à ma lɛdama ma, à swã́kpa ma yã́i.
2 Má yã'oɛ́ ń yáasio, má yã́ pↄ́ ulɛa za zi bↄↄlɛkɛɛ́,
3 yã́ pↄ́ wá mà mɛ́ wá dↄ̃, yã́ pↄ́ wá maeↄ a galikɛ̀wɛ̃ɛ.
4 Wá yã́pi ulɛ wá nɛ́ↄnɛo, wá Dii táasilɛa da wá tↄũnaↄnɛ ń aà gbãao ń yãbↄnsaɛ pↄ́ a kɛ̀ↄ.
5 À yãdìlɛ Yakↄbu buiↄnɛ, à a ikoyã dà Isailiↄnɛ. A ò wá deziↄnɛ aa tó ń nɛ́ↄ dↄ̃,
6 i gↄ̃ ń bui pↄ́ kpɛ́ↄnɛ fɛlɛkaa ũ, aai fɛlɛ dada ń nɛ́ↄnɛ sↄ̃,
7 kɛ́ aa e Lua náaikɛ, kɛ́ Lua yãkɛaↄ su sã́ńguo, aaiↄ aà yãdilɛaↄ kũa,
8 kɛ́ aasu wàↄ dɛ lán ń deziↄwao, asa aa swã́gbãakɛ̀ aa gì Lua yã́i, an sↄ̃ ku Luawao, aa náai vĩɛ̀o.
9 Ɛflaiũ buiↄá kàzunaↄnɛ, ↄ̃ aa kpɛkpà zĩ guu.
10 Aai zɛ ń Luabaakuańnↄoo, aa gì tɛ́i aà ikoyãi.
11 Aà yãkɛaↄ sã̀ńgu ń aà yãbↄnsaɛ pↄ́ a ↄ̀lↄnɛ́ↄ.
12 À dabudabuↄ kɛ̀ an deziↄ wáa Zoã wɛ̃́lɛu, Egipi bùsuu.
13 À ísia zↄ̃̀ɛ à bùańnↄ, à í bĩ́ibò.
14 À dↄ̀aanɛ́ tɛlu guu fãanɛ, gwãasĩna sↄ̃ ń tɛ́ gupuao.
15 À gbɛsi pàa guwaiwaiu, à í kpàmá zↄ̃ↄ lán ísia íwa.
16 A tò í bↄ̀nɛ́ gbɛu, ípi bàalɛ̀ lán swadawa.
17 Ɔ̃ aa gì tɛ duunawa, aa gì Musude yãmai guwaiwaiu.
18 Aa gí kɛ̀ aa Lua lɛwɛ, aa ń pↄeã blɛ gbɛ̀awà.
19 Aa Lua bɛ̃̀ɛbò aa mɛ̀: A fↄ̃ ↄpi'i dilɛwɛ̃ɛ sɛ̃u lae?
20 Gwa, à gbɛ lɛ̀, í bↄ̀ dàgua mɛ! A fↄ̃ blɛ ge nↄ̀ↄ kpáwá sↄ̃a?
21 Kɛ́ Dii yã́pi mà, aà pↄ pà, ↄ̃ tɛ́ kũ̀ Yakↄbu buiↄwa, à pↄkũmabↄ̀bↄ Isailiↄwa.
22 Asa aai Lua yã́ sio, aa aà gbɛ̃́ suabaa gbãa náai vĩo.
