12 Gbɛ̃dɛdɛa yã́ mɛ́ wɛ̃́lɛpi pà, gbãamↄanɛ́ ń mↄafilio lí kɛ̃́lɛ a gãaɛo.
13 Tó ibɛɛ mɛ́ lɛ́ ma wɛ yãa, a sã̀ↄ, tó ma wɛ̀lɛ mɛ́ fɛ̀lɛmanↄ, má ulɛɛ̀ɛ.
14 É'e mpi! N gbɛ̃́ pↄ́ wá sáa, ma gbɛ̃do pↄ́ dɛ ma gbɛ̃na ũɛa?
15 Wi faaibo ń kↄ̃o yãa nana, wiↄ tɛkↄ̃i dasi guu Lua uaa?
16 Ga a zãmakɛ ma ibɛɛↄnɛ, aai si bɛdau ń gbãagↄↄ, asa vãi zↄ̃lɛkĩi è ń guuɛ.
17 Mapi sↄ̃ mi lɛzu Luazi, ↄ̃ Dii ì ma suaba.
18 Kↄↄ, fãanɛ ń oosio miↄ a yã'ↄ̃maↄ bↄlɛɛ̀ ń aauo, ↄ̃ ì ma yãma.
19 Baa kɛ́ ma ibɛɛↄ dasi, aali ma leo, Lua ì ma bↄ sòleu aafia.
20 Luapi ìↄ zↄ̃lɛa báawa gↄↄpiiɛ, a ma yãma, i widamá. Aali nↄ̀sɛlilɛo, aaliↄ aà vĩa vĩo.
