Soũↄ 44:8-20 in Boko (Benin)

⁸Asa ḿmɛ ni wá sí wá ibɛɛↄwa, ni wida wá zangudeↄwa.

⁹Lua, wiↄ n táasilɛ gↄↄpii, wiↄ n tↄbↄ láasai.

¹⁰Ń beeo n ↄpɛ̀wá ń tò wí wá kṹ, nili bↄ ń wá zĩgↄ̃ↄ lↄo.

¹¹Ń tò wa pↄ̀ↄbↄzãkɛ̀ wá ibɛɛↄnɛ, ń tò wá zangudepiↄ wá pↄ́ↄ nàaa.

¹²N ń gbá zɛ́ aa wá dɛdɛ lán sãↄwa, n wá fãaa buipãleↄ guu.

¹³N n gbɛ̃́ↄ yìa àa'aa, ni ài'e ń yíaa yã́ musuo.

¹⁴Ń tò wá saɛdeↄ wá sↄ̃sↄ̃, gbɛ̃́ pↄ́ liaawáziↄ wá láanikɛ̀.

¹⁵Ń tò wa gↄ̃ yãa ũ buipãleↄnɛ, gbɛ̃́ↄ ìↄ midɛwɛ̃ɛ.

¹⁶Miↄ kú ń wío gↄↄpiiɛ, ma gɛɛ gↄ̃̀ kpa ma wɛ́i,

¹⁷ma láanikɛnaↄ ń ma sↄ̃̀sↄ̃naↄ yã́i ń ma ibɛɛ pↄ́ aa ye tↄsiaↄ yã́o.

¹⁸Bee wá lé píi, baa kɛ́ n yã́ i sã́wáguo, mɛ́ wi ń bàakuawanↄ yã́ gbooo.

¹⁹Wá nↄ̀sɛ i liaamao, wi kɛ̃ n zɛ́wao.

²⁰N wá wiwi n wá ká gu gbɛ̃gbondeu, n gusia zↄ̃ↄ kũ̀aawá.