3 Dii a aà dↄ̃́a, a aà gba wɛ̃ni, a báaadaaàgu aà bùsuu, a aà kpa aà ibɛɛↄwa aa ń pↄeã daɛ̀o.
4 Dii a zɛaànↄ aà gyãkɛa guu, a to aà gyãpi ble.
5 Ma mɛ̀: Dii, ma duunakɛ̀nɛ, ma wɛ̃nagwa, ní ma gbã́gbã.
6 Ma ibɛɛↄ lɛ́ ga kpaaĩmanↄ aa mɛ̀: A ga bↄɛ ni? Bↄɛ aà tↄ́ a midɛi?
7 Tó aa mↄ̀ ma gwai, yãyaaa aaì bↄlɛmɛɛ, aaì bao vãi wɛɛlɛ ma yã́ musu, ↄ̃ aaì fɛlɛ gɛ fãaa bàasi.
8 Ma zangudeↄ ì vãikpaaĩmanↄ, aaì àsi bɛ̃̀ɛ dↄa aaì mɛ:
9 Gagyã mɛ́ aà lè, a fɛlɛ a wúlɛkĩi beeu lↄo.
10 Baa ma kpàasia pↄ́ má aà náai vĩ wi pↄble sãnu bↄ̀ ma kpɛ.
11 Mpi sↄ̃ Dii, ma wɛ̃nagwa, ma gbã́gbã, mí fĩabonɛ́.
