Soũↄ 18:24-32 in Boko (Benin)

²⁴Ma kua tàae vĩ Diiɛo, má azĩa kũa duunasai.

²⁵Dii fĩabòmɛɛ ma nↄ̀sɛmaa lɛ́u, asa a è má kú gbãsĩsaiɛ.

²⁶Ń náai vĩ náaideↄnɛ, tàaesaiden n ũ tàaesaideↄnɛ.

²⁷Ń wásawasa gbɛ̃́ wásawasaↄnɛ, ãma ni kↄ̃nikɛ gbɛ̃́ dↄ̀ↄsaiↄnɛ.

²⁸Ni zĩabusanaↄ suaba, ni gbɛ̃́ pↄ́ aaì ńzĩa sɛ lɛsĩↄ busa.

²⁹Dii, ni ma filia tɛfɛlɛ, ma Lua, ni ma gusia lilɛ gupua ũ.

³⁰Ń n gbãao má fↄ̃ kuadi kaawa, ń ma Lua dↄnlɛo má fↄ̃ vĩ gĩa.

³¹Luapi sↄ̃, aà yãkɛa bↄ̀lɛi. Dii yã́ sãa vĩo. A dɛ sɛ̀ngbao ũ gbɛ̃́ pↄ́ nàaziↄnɛ.

³²Dii bàasio, démɛ Lua ũi? Wá Lua bàasio, démɛ gbɛsi ũi?

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!