1 Davidi wabikɛa. Dii, ma yãma, asa ma yã́ naɛ, swãdↄ ma wiilɛai, ma wabikɛa ma, asa málɛ kɛ ń mↄafilioo.
2 N kĩ́i má yãna eu, n wɛ́ lɛ́ yã́ pↄ́ zɛvĩ e sã́asã.
3 N ma sↄ̃ gwà, n wɛ́tɛmazi gwã́, n ma tàasikà, ni yãe eao, asa ma zɛò ma lɛ́ a ma kalikɛ̃o.
4 Mili tɛ́ gbɛ̃nazĩna yãkɛaↄzio, mili gbɛ̃́ pãsĩↄ ↄlɛsɛo.
5 Ma bɛ n zɛ́u súsu, mi pãalɛ n yã́ɛo.
6 Málɛ lɛzunzi, asa ńyↄ̃ wea. Lua, swã́sɛ ma wabikɛai.
7 Ǹ n gbɛ̃kɛ bↄnsaɛ kɛmɛɛ, gbɛ̃́ pↄ́ nànziↄ bↄ ń ibɛɛↄ ↄzĩ.
8 Laaidↄa lá ń wɛ́bɛsianawa, ní ma sↄlↄ n kúlukulunau.
9 Ma si gbɛ̃vãi pↄ́ aaì ĩadaaↄwa, ma ibɛɛ pↄ́ liaamazipiↄ.
