1 Davidi lɛ. Ma dↄ̃́a Lua, ḿmɛ ma nanzi.
2 Má ò Diiɛ ma diin n ũ, ḿmɛ ń ma aafia ũ.
3 N gbɛ̃́ pↄ́ kú ma bùsuuↄ mɛ́ dɛ gawide pↄ́ ì kamaguↄ ũ.
4 Gbɛ̃́ pↄ́ aaì wã gɛ́ tã́a kĩ́iↄ aaì yã'ↄ̃ma kpá ńzĩaziɛ. Má sa'o'i tↄ̃́lɛńnↄo, wa ń tã́aↄ tↄ́ ma ma lɛ́uo.
5 Dii, n ma ka ma baawa, ma wɛ̃ni ku n ↄzĩɛ.
6 N kↄↄ dàmɛɛ gumaau, gba pↄ́ ń dàmɛɛ kàmagu.
7 Má Dii táasilɛ kɛ́ ì lɛdaa, baa gwã́ ì to ma sↄ̃ ma gba laai.
8 Miↄ Dii e ma wɛ́u gↄↄpii, lá a kumanↄ, má kpaguao.
9 Bee yã́i ma pↄ ìↄ na, ma nↄ̀sɛ ìↄ yáalↄ, ma wɛ́ dↄi lↄ ma mɛ aↄ ku aafia.
