Soũↄ 146:2-10 in Boko (Benin)

²máↄ Dii táasilɛ e ma wɛ̃ni lɛ́uɛ, máↄ lɛsi ma Luaɛ ma kua lɛ́uɛ.

³Ásu sↄ̃kpalɛ gbãadeↄzio, gbɛ̃suabaa ku gbɛ̃nazĩna kĩ́io.

⁴Tó an wea làa, aaì ɛa gɛ̃ tíuɛ, zĩbeezĩ yã́ pↄ́ aalɛ yá ì midɛ.

⁵Báaaden gbɛ̃́ pↄ́ Yakↄbu Lua mɛ́ aà dↄnlɛde ũ ũ, aà wɛ́ ìↄ dↄ Dii a Luazi.

⁶Ɔ̃mɛ musu ń zĩ́lɛo kɛ̀, ísia ń pↄ́ pↄ́ kú a guuↄ píi.

⁷Ì yãnakpa gbɛ̃́ pↄ́ wàlɛ gbãamↄnɛ́ↄwa, ì blɛ kpa nↄandɛnaↄwa. Dii ì babↄ gbɛ̃́ pↄ́ yeelɛaↄwa,

⁸Dii ì vĩ̀aↄ wɛ́ wɛ̃nɛ́, Dii ì gbɛ̃́ pↄ́ taasi tↄ̃̀máↄ fɛlɛ, Dii ìↄ ye gbɛ̃maaↄzi.

⁹Dii ì bↄ̀mↄↄ gwa, ì ↄda gyaaↄ ń tonɛↄwa, ↄ̃ ì zɛ́ kaaũ gbɛ̃vãiↄnɛ.

¹⁰Dii ìↄ kible gↄↄpiiɛ. Siↄnadeↄ, á Lua ìↄ ku e á buiwaɛ. Àleluya!