Soũↄ 145:2-21 in Boko (Benin)

²Máↄ n sáaukpa lá gu lɛ́ dↄ, máↄ n táasilɛ láasaiɛ.

³Dii zↄ̃ↄ, à kà wà aà táasilɛ, aà zↄ̃ↄkɛ lɛ́ vĩo.

⁴Kpàiↄ n yãkɛaↄ sáaukpa Wueↄnɛ, aa n yãzↄ̃ↄkɛaↄ galikɛ.

⁵Aa n maa zↄ̃ↄ gawide yã'o, má n yãbↄnsaɛkɛaↄ wàaipa.

⁶Aa n dabudabukɛa gbãa yã'o, mí n zↄ̃ↄkɛ dau siunɛ́.

⁷Aa n maakɛa zↄ̃ↄ baokpa, aai gulakɛ n yã́zɛdekɛaↄ yã́i.

⁸Dii sùuu vĩ ń sósobio, aà pↄ lí pa kpaao, a gbɛ̃kɛ vĩ zↄ̃ↄ.

⁹Dii ì maakɛ gbɛ̃́piiɛ, ì a pↄkɛaↄ wɛ̃nagwa píi.

¹⁰Dii, n pↄkɛaↄ n sáaukpa píi, n yãmanaↄ n tↄbↄ.

¹¹Aa n kpala gawi faai bo, aa n iko gbãa yã'o.

¹²Aa n yãzↄ̃ↄkɛaↄ da gbɛ̃́ↄnɛ ń n kpala maa gawide yã́o.

¹³N kpalaá kpala láasaiɛ, ńyↄ̃ↄ dɛ kía ũ wɛ̃̀ píiɛ. Dii náai vĩ a yã́pii musu, a sùuu vĩ ń a pↄkɛaↄ píi.

¹⁴Dii ì gbɛ̃́ pↄ́ lɛ́ lɛ́lɛↄ kṹ, ì gbɛ̃́ pↄ́ taasi tↄ̃̀máↄ fɛlɛ.

¹⁵Pↄ́pii wɛ́ dↄnzi, ni blɛ kpámá a gↄↄwa.

¹⁶Ni ↄ poonɛ́, pↄ́ mↄ́má, ni pↄ́ bɛ̃́ɛ píi pↄeã bↄↄlɛkɛɛ̀.

¹⁷Dii kɛkɛáↄ maa píi, a gbɛ̃kɛ vĩ a yã́pii kɛa guu.

¹⁸Dii kãi ń a sìsinaↄ píi, gbɛ̃́ pↄ́ aaì aà sísi ń sĩanaoↄ.

¹⁹Ì a vĩakɛnaↄ pↄeã bↄↄlɛnɛ́, ì ń wiilɛa ma, i ń suaba.

²⁰Dii ì gbɛ̃́ pↄ́ yeaziↄ dↄ̃́a píi, ãma a vãikɛnaↄ míↄnzↄ̃ɛ.

²¹Dii táasilɛa aↄ dↄ ma lɛ́uɛ. Pↄ́pii aaↄ aà tↄbↄgↄↄ píi, asa a kua adoaɛ.