10 I̱ tanonaga to̱le̱ pabe halu i̱naga andu tano pabe ogoninaga anda lu wa hondo birule kira bu helene haradagua bida. I̱ yamalila iya haru mandagi haribayagua i̱ mini dungulo haruligo ibu bayuwa manda bu kagoni.
11 Kini Solomono ibunaga gerebi mabu mbira dindi Bala Hamono lagagoha winigo nga. Agali maru ti mabu ogoniha gerebi lini dole hame layagua ibu muni siliba daosini (1,000) mbira mbira migi biaga.
12 Solomono ibu muni siliba daosini mbira (1,000) ogoni mo yilo. Agali maru mabu ogoni yolo mule hongo hayaru ti tininaga muni siliba handari kira (200) ogoni mo yilo. I̱ aginaga mogo lolebe. I̱ i̱ninaga gerebi mabu mbira bayale ngogodago.
13 I̱naga gubalini-o í̠na mabuha howa bi labelo hame ledo. Í̠na bi labelo i̱naga nenegeru ti hale hole hondo kagoni.
14 I̱naga gubaliniore-o í̠na nogo mini dia aleme dai lagadagua lalu nogo dia wangabe hongoheme dai lagadaguabi lalu hari bare hombene mbirale ngabi buwi ngaruniha howa pogolama ibagadagua abale dai bibelo hame ledo.
